Franco Corelli

Franco Corelli
	; Irudi gehiago
Bizitza
Jaiotza	Ancona, 1921eko apirilaren 8a
Herrialdea	Italiako Erresuma (1921eko apirilaren 8a - 1946ko ekainaren 18a); Italia (1946ko ekainaren 18a - 2003ko urriaren 29a)
Heriotza	Milan, 2003ko urriaren 29a (82 urte)
Hobiratze lekua	Milango monumentuzko hilerria
Heriotza modua	berezko heriotza: miokardio infartu akutua
Hezkuntza
Heziketa	Boloniako Unibertsitatea ; Conservatorio Statale di Musica "Gioachino Rossini" (en)
Hizkuntzak	italiera
Ikaslea(k)	ikusi Andrea Bocelli;
Jarduerak
Jarduerak	opera abeslaria
Genero artistikoa	opera
Ahots mota	tenorra
Musika instrumentua	ahotsa
	francocorelli.org

Franco Corelli, jaiotza-izenez Dario Corelli (Ancona, Markak, Italia, 1921eko apirilaren 8a - Milan, 2003ko urriaren 29a) italiar tenorra izan zen.

Biografia

De Sabata orkestra-zuzendariak animaturik, adinez nahiko heldua zela sartu zen kantagintzaren munduan. Milanen musika-ikasketak egin ondoren, lehen aldiz 1951n abestu zuen, Carmen operan. Mario Del Monacoren ordezkapen-lanak egiten hasi zen, eta hark kantatzeari utzi zionean, haren lekua hartu zuen Milango Scalan eta New Yorkeko Metropolitan Opera Housen.

Giulini, Seraphin, Von Karajan eta Erede zuzendari handiekin eta bel canto-ko urrezko garaiko kantari nagusiekin abestu zuen, batez ere Maria Callasekin. Besteak beste, ondorengo operak kantatu zituen: Verdiren Aida, Il trovatore, Ernani eta La forza del destino; Pucciniren Tosca, Manon Lescaut eta Turandot; Bizeten Carmen; Belliniren Norma, eta verismoko lan guztiak.

1974an hartu zuen erretiroa, eta 1991 eta 1992an, Italiako Giuseppe Verdi eta Espainiako Francesc Viñas izeneko lehiaketetan epaimahaikide izan zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q313831
Multimedia: Franco Corelli / Q313831